ငွေကြေးနှင့် ပြေစာကိစ္စရပ်ဆိုင်ရာ အကူအညီပေးရေး(CVA) အစီအစဉ်နှင့် ပတ်သက်၍ ညှိနှိုင်းခြင်းနှင့် လေ့လာသင်ယူခြင်း တိုးမြှင့်ရန် လိုအပ်ကြောင်း အသိအမှတ်ပြုကာ ကုလသမဂ္ဂ အေဂျင်စီများ၊ ရန်ပုံငွေနှင့် ပရိုဂရမ်အစီအစဉ်များ၊ အန်ဂျီအိုများနှင့် ကြက်ခြေနီလှုပ်ရှားမှုတို့မှ ငွေသားအစီအစဉ် ရေးဆွဲသူများအား အတူတကွ စုစည်းရန် ရည်ရွယ်လျက် မြန်မာနိုင်ငံရှိ ငွေကြေးလုပ်ငန်းအဖွဲ့ (CWG) ကို ၂၀၁၃ ခုနှစ်၊ စက်တင်ဘာလတွင် တည်ထောင်ခဲ့ကြသည်။

ထိုအချိန်မှစ၍ အထူးသဖြင့် လွန်ခဲ့သော နှစ်အနည်းငယ်အတွင်း မြန်မာအစိုးရအပါအ၀င် အေဂျင်စီများသည် လူသားချင်းစာနာမှုဆိုင်ရာ တုံ့ပြန်မှုနှင့် လူမှုကာကွယ်စောင့်ရှောက်ရေး အစီအစဉ်များတွင် CVA ကို ပိုမို  ပူးပေါင်း ပါ၀င်စေခဲ့သည်။ CWG သည် ၂၀၁၅ ခုနှစ် သြဂုတ်လတွင် ရေဘေးအရေးပေါ် တုန့်ပြန်မှု အခြေအနေတွင် ပြန်လည်သက်ဝင်ခဲ့ပြီး အစုအဖွဲ့-ညှိနှိုင်းဆောင်ရွက်ရေးအဖွဲ့ (ICCG) နှင့် လူမှုကာကွယ် စောင့်ရှောက်ရေးလုပ်ငန်းအဖွဲ့တို့နှင့် နီးကပ်စွာ ဆက်စပ်လုပ်ကိုင် ဆောင်ရွက်လျက်ရှိသည်။

CWG ကိုကမ္ဘာ့စားနပ်ရိက္ခာအစီအစဉ် (WFP)၊ Mercy Corps နှင့် မြန်မာနိုင်ငံ ကြက်ခြေနီအသင်းတို့ ပူးပေါင်း၍ ပူးတွဲသဘာပတိအဖြစ် ဆောင်ရွက်ကြပြီး OCHAမှ အတွင်းရေးမှူးအဖြစ် ပံ့ပိုးကူညီထားသည်။ ဤအဖွဲ့၏ ယေဘူယျ ရည်မှန်းချက်မှာ မြန်မာနိုင်ငံရှိ CVA အစီအစဉ်များ၏ သဟဇာတဖြစ်မှုနှင့် အရည်အသွေးကို မြှင့်တင်ရန် ဖြစ်သည်။

ဤစာမျက်နှာသည် ငွေကြေးနှင့်ပြေစာကိစ္စရပ်ဆိုင်ရာ လုပ်ဆောင်မှုများကို အကောင်အထည်ဖော်နေသည့် မိတ်ဖက်များအကြား အကောင်းဆုံး အလေ့အကျင့်များ၊ ညှိနှိုင်းဆောင်ရွက်မှုများနှင့် သဟဇာတ ဖြစ်စေရန် အတွက် အဓိကစာရွက်စာတမ်းများ၊ ကိရိယာများနှင့် လမ်းညွှန်ချက်များကို မျှဝေရန် ရည်ရွယ်သည်။