ကျား၊မအခြေပြုဆိုင်ရာ အကြမ်းဖက်မှုဖြစ်ပွားပါက အောက်ပါ အကူအညီပေးသော hotlines များကို ဆက်သွယ်နိုင်ပါသည်။

• အပြုံးပန်း ကူညီရေးဖုန်း - မြန်မာနိုင်ငံရှိ မသန်စွမ်း အမျိုးသမီးများနှင့် မိန်းကလေးငယ်များ အတွက် အကူအညီ ပေးခြင်း၊ တရား ဥပဒေအရ ထောက်ပံ့ပေးခြင်း နှင့် သက်ဆိုင်ရာ ကူညီမည့်သူထံ ချိတ်ဆက်ခြင်းများ လုပ်ဆောင် ပေးပါသည်။ ဖြစ်ရပ်ဆိုးများမှ လွတ်မြောက်လာသည့် အကြားအာရုံ ချို့ယွင်း နေသူများအတွက် ခြေလက် အမူအရာဖြင့် ပြောဆို ဆက်သွယ်ပြီး စကားပြန်ပေးခြင်းများ ပံ့ပိုးပေးသည်။ အကူအညီရရန် ဆက်သွယ်ရမည့် ဖုန်းလိုင်းသည် တနင်္လာနေ့မှ စနေနေ့အထိ မနက် ၉ နာရီမှ ညနေ ၅ နာရီအတွင်း ဖုန်း - ၀၉၇၆၅၇၇၇၈၉၀၊ ၀၉၉၅၉၇၇၇၈၉၀ နှင့် viber နံပတ် ၀၉၄၂၆၇၇၇၈၉၀ (ခြေလက်အမူအရာဖြင့် ပြောဆို ဆက်သွယ်ပြီး စကားပြန်ပေးမှု) သို့မဟုတ် Facebook မှတဆင့် ဆက်သွယ်နိုင်ပါသည်။ အသေးစိတ် သတင်း အချက်အလက်များကို ဤလင့်  link တွင် ဝင်ရောက် ကြည့်ရှု့နိုင်ပါသည်။
• နားထောင်ပေးမယ်နော် hotline ဖုန်း -  မြန်မာနိုင်ငံရှိ အမျိုးသမီးနှင့် မိန်းကလေးငယ်များအား ကျား၊မ အခြေပြုဆိုင်ရာ အကြမ်းဖက်မှု ကိစ္စရပ်များ စီမံခန့်ခွဲခြင်း၊ စိတ်ပိုင်းဆိုင်ရာနှင့် လူမှုရေးဆိုင်ရာ ပံ့ပိုးမှု ပေးခြင်း၊  သက်မွေးဝမ်းကြောင်းနှင့် သက်ဆိုင်ရာ ကူညီမည့်သူထံ ချိတ်ဆက် ပေးခြင်းများကို ကူညီ လုပ်ဆောင် ပေးပါသည်။ hotline မှာ တပတ်တွင် ၇ ရက် မနက် ၉ နာရီမှ နေ့လည် ၁၂ နာရီ ဆက်သွယ်နိုင်ပြီး၊ ဖုန်း ၀၉၇၇၇ ၂၀၆၀၃၅ ကို တနင်္လာနေ့မှ သောကြာနေ့ မနက် ၉ နာရီ မှ ညနေ ၄ နာရီ အထိ၊ ဖုန်း ၀၉၈၈၉ ၅၇၀၅ ၈၆ ကို တနင်္လာနေ့မှ သောကြာနေ့ ညနေ ၄ နာရီ မှ နေ့လည် ၁၂ နာရီ အထိ၊ ၀၉ ၇၆၅ ၁၄၉ ၄၁၁ ကို စနေ တနင်္ဂနွေ မနက် ၉ နာရီ မှ နေ့လည် ၁၂ နာရီ အထိ ဆက်သွယ် နိုင်ပါသည်။ Hotline ကို  Facebook မှလည်း ဆက်သွယ် နိုင်ပါသည်။
• ၂၄ နာရီ justice hotline ဖုန်း - တရား ဥပဒေရေးရာ အကြံဉာဏ်များ ပေးခြင်း၊ ဆွေးနွေး တိုင်ပင်ခြင်းနှင့် ဥပဒေအရ ရပိုင်ခွင့်ဆိုင်ရာ သတင်း အချက်အလက်များ နှင့် ကလေးသူငယ်များ အတွက် တရားမျှတမှု ရယူရန် အကူအညီ လိုအပ်ပါက (ဖုန်းနံပတ် အရှည် - ၀၉၇၅၅၅၅၅၄၊ ဖုန်းနံပတ် အတို - ၅၅၅၄) ကို ဆက်သွယ် နိုင်ပါသည်။
• ဖုန်းခေါ်လိုက်ပါ ကူညီရေးဖုန်း - အခြေခံ စိတ်ပိုင်းဆိုင်ရာ ပံ့ပိုးမှုများ၊ သတင်း အချက်အလက် မျှဝေခြင်းများ၊ လုံခြုံရေး အတွက် စီစဉ်ခြင်းများ နှင့် သက်ဆိုင်ရာ ကူညီမည့်သူထံ ချိတ်ဆက်ပေးခြင်း များကို မြန်မာနိုင်ငံရှိ အမျိုးသမီးများနှင့် မိန်းကလေးငယ်များ အတွက် ပံ့ပိုးပေးပါသည်။ မြန်မာ ဘာသာစကား အပြင် ရခိုင်၊ ချင်း၊ ကရင် (ပိုး)၊ ကရင် (စကော)၊ ကချင် နှင့် ပအို့ဝ် စသည့် တိုင်းရင်းသား ဘာသာစကားများဖြင့်လည်း အောက်ပါ အချိန်ဇယား အတိုင်း ဖြေကြားပေးပါသည်။ မနက် ၉ နာရီမှ ည ၉ နာရီအတွင်း နေ့စဉ် ဖုန်း ၀၉၇၈၉၁၂၂၆၄၉ သို့ ခေါ်ဆို နိုင်ပါသည်။ အသေးစိတ် အချက်အလက်များ ထပ်မံ သိရှိလိုပါက ဤ  link တွင် ဖတ်ရှု့နိုင်ပါသည်။

GECနှင့် အခြား သက်ဆိုင်ရာ နယ်ပယ် အလိုက် တာဝန်ခံ အဖွဲ့များ (AORs) ပူးပေါင်းပြီး ကိုယ်ပိုင် အချိန်နှုန်းဖြင့် လေ့လာနိုင်သော “ကလေးသူငယ် ကာကွယ် စောင့်ရှောက်ရေး” သင်ခန်းစာကို Global Education Cluster (GEC) မှ စတင်ခဲ့ပါသည်။ ၎င်းသည် မိနစ် ၅၀ ကြာမြင့်ပြီး အွန်လိုင်းမှ လေ့လာနိုင်သော ကလေးသူငယ် ကာကွယ် စောင့်ရှောက်ရေး မိတ်ဆက် သင်ခန်းစာ ဖြစ်သည်။ ကလေးသူငယ် စောင့်ရှောက်ရေးနှင့် လိင်ပိုင်းဆိုင်ရာ စော်ကား အမြတ်ထုတ်ခြင်းမှ ကာကွယ်ပေးခြင်း တို့၏ ခြားနားပုံကို ရှင်းလင်း ထားသည်။ ထို့အပြင် ပညာရေး ကဏ္ဍ စုစည်း ပူးပေါင်း ဆောင်ရွက်ရေး မိတ်ဖက် အဖွဲ့ဝင်များနှင့် အရေးပေါ် ကာလ ပညာရေးအတွက် လုပ်ဆောင်သော အဖွဲ့များမှ ၎င်းတို့၏ ပူးပေါင်း ဆောင်ရွက်မှုများတွင် ကလေးသူငယ် ကာကွယ် စောင့်ရှောက်ရေး ကို မည်သည်ကြောင့်နှင့် မည်သို့ ထည့်သွင်းနိုင်သည်ကို ရှင်းပြထားပါသည်။ စုစည်း ပူးပေါင်း ဆောင်ရွက်ရေး မိတ်ဖက် အဖွဲ တဖွဲ့စီအနေဖြင့် ကလေးသူငယ် ကာကွယ် စောင့်ရှောက်ရေးကို မည်သို့ တာဝန်ယူ ဆောင်ရွက်နိုင်ကြောင်းကို လွှမ်းခြုံဖော်ပြထားသည်။ ဤသင်ခန်းစာမှာ ပညာရေးကဏ္ဍ စုစည်း ပူးပေါင်း ဆောင်ရွက်ရေး (Education Cluster)/ အရေးပေါ် ကာလပညာရေး ညှိုနှိုင်း ဆောင်ရွက်ရေးအဖွဲ့များ (EiE Working Groups) အတွက် အဓိက ရည်ရွယ်သော်လည်း အခြား မိတ်ဖက်အဖွဲ့များ (other Clusters)၊ နယ်ပယ်အလိုက် တာဝန်ခံ အဖွဲ့များ (AORs)၊ ကဏ္ဍရပ်များ (Sectors) အတွက်လည်း သင့်လျော်ကြောင်း UNICEF နှင့် GEC တို့မှ ထောက်ခံထားသည်။

စိတ်ဝင်စားပါက AGORA (UNICEF သင်ကြားယူ လေ့လာရေး ဝက်ဘ်ဆိုက်) တွင် အင်္ဂလိပ်ဘာသာဖြင့် အခမဲ့ အွန်လိုင်းတက်ရောက်နိုင်ပါသည်။ https://agora.unicef.org/course/info.php?id=34857

သင်ခန်းစာ တက်ရောက်နိုင်ကြောင်းကို မိမိ၏အဖွဲ့နှင့် အခြား လုပ်ဖော်ကိုင်ဖက်များအား ပြန်လည်မျှဝေပေးစေ လိုပါသည်။ (သင်ခန်းစာပြီးမြောက်ရန် မိနစ် ၅၀ သာကြာမြင့်ပါသည်။)

အပြန်အလှန် သင်ယူနိုင်မည့် ယခု မိုင်းအန္တရာယ် အသိပညာပေး သင်တန်းသည် မြန်မာနိုင်ငံအတွက် ဖြစ်ပါသည်။ ယခုသင်တန်းသည် မိနစ် ၅၀ ခန့် ကြာမြင့်မည် ဖြစ်ပြီး အဓိက ပညာပေးသတင်း စကားများ ဖြစ်သည့် မိုင်းအန္တရာယ်ကို ထိခိုက် ခံစားနေကြရသော ဒေသများတွင် မြေမြှုပ်မိုင်းများ၊ မပေါက်ကွဲသေးသော လက််နက် ပစ္စည်းများနှင့် အခြားသော ပေါက်ကွဲပစ္စည်းများမှ မည်ကဲ့သို့ အန္တရာယ်ကင်းစွာ နေရမည်၊ ထိခိုက်ဒဏ်ရာရ မှုများနှင့် အသက် သေဆုံးမှုများကို မည်ကဲ့သို့ ကာကွယ်ရမည် ဆိုသည်ကို သင်ယူနိုင်မည် ဖြစ်ပါသည်။ ထို့အပြင် အန္တရာယ်ရှိသော နေရာများ၊ သံသယဖြစ်စရာ ကောင်းသော ပစ္စည်းများနှင့် နေရာများကို မည်ကဲ့သို့ သိရှိနိုင်မည်၊ ထိုသံသယ ဖြစ်စရာကောင်းသော ပစ္စည်းများနှင့် နေရာများကို တွေ့ရှိလျှင် မည်ကဲ့သို့ ပြုလုပ်သင့်သည် နှင့် အန္တရာယ်ကင်းသော နည်းလမ်းများကို မလိုက်နာလျှင် မည်ကဲ့သို့ ဖြစ်လာနိုင်သည် ဆိုသည်ကို လေ့လာနိုင်မည် ဖြစ်ပါသည်။

သို့အတွက်ကြောင့် ယခု သင်တန်းတွင် သင်နှင့် သင်၏မိသားစု လုံခြုံမှုအတွက် ပေါက်ကွဲပစ္စည်းများနှင့် ၎င်းတို့၏ အန္တရာယ်များ၊ မလုပ်ဆောင် သင့်သည့်အရာများ နှင့် လုပ်ဆောင်သင့်သည့်အရာများကို သင်ယူနိုင်မည်ဖြစ်သည်။ သို့ဖြစ်ပါ၍ ပညာပေး သတင်းစကားများကို သေချာစွာ လေ့လာ သင်ယူပြီး ပေးထားသော သင်ခန်းစာများကို သေချာစွာ လုပ်ဆောင်ပေးပါ။

စိတ်ဝင်စားပါကအောက်ပါလင့်တွင် download လုပ်ပြီးတက်ရောက်နိုင်ပါသည်။

https://play.google.com/store/apps/details?id=com.NGO.MREEnglish&hl=en   
https://apps.apple.com/us/app/mre-myanmar-english/id1474917221   

မိုင်းအန္တရာယ်အသိပညာပေး နံရံကပ်စာစောင်များကိုလည်း download လုပ်ရယူနိုင်ပါသည်။
https://www.mediafire.com/folder/5y9ucf4cne8ac/EORE_Tools_2022

Access Monitoring and Reporting Framework (AMRF) ဆိုသည်မှာ လူသားချင်း စာနာ ထောက်ထားမှု ဆိုင်ရာ အကူအညီပေးမှုများ ပြုလုပ်ရာတွင် ဆက်သွယ် သွားလာရေး အခက်အခဲကြောင့် ဖြစ်ပေါ်လာသော အကျိုးဆက်များ အကြောင်းကို စာရင်းပြုစုရန်နှင့် စမ်းစစ်လေ့လာရန် OCHA မှ ကမ္ဘာတဝှမ်းလုံးတွင် အသုံးပြု သော မူဘောင်ဖြစ်သည်။ AMRF တွင် ဆက်သွယ် သွားလာရေး အခက်အခဲရှိသော အခြေအနေများနှင့် ထိုသို့ ခက်ခဲမှုကြောင့် မည်သည့် အကျိုးဆက်များရှိသည်ကို စာရင်းပြုစုထားပါသည်။ အောက်ပါစာတမ်းများတွင် အသေးစိတ်လေ့လာနိုင်ပါသည်။ 

• AMRF Explanation for Partners