အမျိုးသား ကလေးသူငယ် ကာကွယ်စောင့်ရှောက်ရေး ကဏ္ဍခွဲ (CPSS) ကို UNICEF၏ ဦးဆောင်မှုဖြင့် ၂၀၁၄ ခုနှစ် မတ်လတွင် ရန်ကုန်မြို့၌ တည်ထောင်ခဲ့သည်။ CPSS သည် UNHCR ဦးဆောင်သော ကာကွယ် စောင့်ရှောက်ရေးဆိုင်ရာကဏ္ဍ၏ လက်အောက်တွင် ရှိပြီး မြန်မာနိုင်ငံရှိ လူသားချင်းစာနာထောက်ထားမှုဆိုင်ရာ အဝန်းအဝိုင်းအတွင်းရှိ အခြားသက်ဆိုင်ရာ ကဏ္ဍများ၊ လုပ်ငန်းခွဲများနှင့် နီးကပ်စွာ ပူးပေါင်းဆောင်ရွက်သည်။

အမျိုးသား ကလေးသူငယ် ကာကွယ်စောင့်ရှောက်ရေး ကဏ္ဍခွဲ(CPSS) သည် မြန်မာနိုင်ငံအတွင်း ပဋိပက္ခ၊ ပြည်တွင်း မငြိမ်မသက်မှုများနှင့် သဘာဝဘေးအန္တရာယ်များ အပါအ၀င် အရေးပေါ်အခြေအနေတွင် နေထိုင်သော ယောက်ျားလေးများနှင့် မိန်းကလေးငယ်များအပေါ် အကြမ်းဖက်မှု၊ အလွဲသုံးစားမှုနှင့် ခေါင်းပုံဖြတ်မှုများကို ကာကွယ်ရန်နှင့် တုန့်ပြန်ရန် လုပ်ဆောင်လျက်ရှိသည်။ ၎င်းသည် ကလေးသူငယ် ကာကွယ် စောင့်ရှောက်ရေး လုပ်ငန်းများအား လူသားချင်းစာနာ ထောက်ထားမှုဆိုင်ရာ တုံ့ပြန်မှုအတွင်း ဦးစားပေးဆောင်ရွက်ခြင်းကို ပံ့ပိုးပေးရန်၊ ကြိုတင်မှန်းဆခြင်းနှင့် ထိရောက်သောပရိုဂရမ်ကို တိုးမြှင့်ပေးရန်၊ ယောက်ျားလေးများနှင့် မိန်းကလေးများ၏ လိုအပ်ချက်နှင့် ကျား / မ အသက်အရွယ်အလိုက် သင့်လျော်သော ၀န်ဆောင်မှု လိုအပ်ချက် များကို အသိအမှတ်ပြုခြင်း အပါအ၀င် ကလေးများ ရင်ဆိုင်ကြုံတွေ့နေရသော ပြဿနာများကို ကိုင်တွယ် ဖြေရှင်းသူများ၏ အရည်အသွေးစံနှုန်းများကို ထိန်းသိမ်းရန် လုပ်ဆောင်လျက်ရှိသည်။

CPSS သည် ကလေးသူငယ်အခွင့်အရေးဆိုင်ရာ သဘောတူညီချက်နှင့် ၎င်း၏လုပ်ထုံးလုပ်နည်းများ၊ ပြည်တွင်း ရွှေ့ပြောင်းခြင်းဆိုင်ရာ လမ်းညွှန်အခြေခံမူအပေါ် အခြေခံထားသည်။ CPSS သည် လူသားချင်းစာနာ ထောက်ထားမှုဆိုင်ရာ လှုပ်ရှားမှုများတွင် အေဂျင်စီများအကြား အနိမ့်ဆုံးစံနှုန်းများ (CPSS၊ ၂၀၁၃)၊ အရေးပေါ် လမ်းညွှန်ချက်များရှိ လိင်အကြမ်းဖက်မှုမှ လွတ်မြောက်လာသူများအတွက် စောင့်ရှောက်မှု(UNICEF/IRC ၊၂၀၁၂) လက်နက်ကိုင်တပ်ဖွဲ့များ / အုပ်စုများနှင့် ဆက်စပ်သည့် ကလေးသူငယ်များဆိုင်ရာ ပါရီမူများ (၂၀၀၇)၊ အရေးပေါ် အခြေအနေ GBV လမ်းညွှန်ချက်များ (IASC ၊၂၀၀၅)နှင့် UASC အပေါ် အေဂျင်စီအချင်းချင်း လမ်းညွှန်ချက်အခြေခံမူ (၂၀၀၄)ကို လိုက်နာရန် အားပေးသည်။