မြန်မာနိုင်ငံရှိ ထိခိုက်လွယ်မှု အခြေအနေ သုံးသပ်ချက် - လိုအပ်ချက်များ၊ လွှမ်းခြုံမှုများနှင့် ကွာဟချက်များအပေါ် ဆင့်ပွားအချက်အလက်များအား သုံးသပ်မှု ကို လူသားချင်း စာနာ ထောက်ထားမှု အကူအညီ နှင့် ပြန်လည်ထူထောင်နိုင်စွမ်း ထောက်ပံ့မှု အစီအစဉ် (HARP-F) နှင့် မြန်မာ သတင်း အချက်အလက် စီမံခန့်ခွဲရေး ယူနစ် (MIMU) တို့မှ ပြုစုရေးသားထားပါသည်။ ထို အဖွဲ့အစည်း နှစ်ခုစလုံးသည် မြန်မာနိုင်ငံတွင် လူသားချင်း စာနာ ထောက်ထားမှုနှင့် ဖွံ့ဖြိုး တိုးတက်ရေး အစီအစဉ်များကို တက်ကြွစွာ ပံ့ပိုးကူညီနေသည့် အဖွဲ့များ ဖြစ်ကြသည်။ ဤကဏ္ဍပေါင်းစုံ သုံးသပ်ချက်စာတမ်းကို ဗြိတိန်နိုင်ငံ၏ အပြည်ပြည်ဆိုင်ရာ ဖွံ့ဖြိုးတိုးတက်ရေး ဌာန၊ ကနေဒါအစိုးရနှင့် ဥရောပ သမဂ္ဂ လူသားချင်းစာနာထောက်ထားမှုဆိုင်ရာ အဖွဲ့အစည်း တို့မှ ရန်ပုံငွေ ပံ့ပိုးပေးထားပါသည်။  

တရားဝင်ထုတ်ပြန်ထားသော သတင်းအချက်အလက်များကို အသုံးပြုပြီး ထိရောက်သော အစီအစဉ်နှင့် မူဝါဒများ ကို ပံ့ပိုးပေးရန်၊ မြို့နယ်များအကြား၊ နိုင်ငံတစ်ဝှမ်း ကွာဟချက်များ နည်းပါးစေရန် ဆောင်ကြဉ်း၍ အချက်အလက် စီစစ်လေ့လာသုံးသပ်ရာတွင် ကွာဟချက်များကို ရှာဖွေတင်ပြထားပါသည်။ ဤသုံးသပ်ချက်စာတမ်းသည် မြန်မာနိုင်ငံရှိ ထိခိုက်လွယ်သော လူထုကို ကူညီပံ့ပိုးသော အစီအစဉ်များကို အထောက်အပံ့ ဖြစ်စေမည်ဟု မျှော်လင့်ပါသည်။ သင်၏ အကြံပြု ထင်မြင်ချက်များကို [email protected] မှတဆင့် ပေးပို့နိုင်ပါသည်။