မြန်မာ NGO များသည် ပိုမို ကောင်းမွန်သည့် ညှိနှိုင်း ဆောင်ရွက်မှုနှင့် ပူးပေါင်းဆောင်ရွက်မှု၊ ၎င်းတို့၏ အတွေ့ အကြုံများနှင့် လုပ်ငန်းခွင် အတွင်းရှိ လုပ်ဆောင်မှုများကို မျှဝေခြင်း၊ နောက်ဆုံး အခြေအနေများကို တင်ပြခြင်း တို့အတွက် ပုံမှန်အားဖြင့် တွေ့ဆုံ ဆွေးနွေး ဖြစ်ကြပါသည်။ ထိုအစည်းအဝေးသို့ UN အေဂျင်စီများ၊ INGO များ တို့ကလည်း ကိုယ်စားလှယ်များစေလွှတ်ကာ တက်ရောက်လျှက်ရှိပါသည်။ ၎င်းအစည်းအဝေးများကို ၂၀၀၈ခုနှစ်မှ စတင်၍ တစ်လလျှင် နှစ်ကြိမ် ကျင်းပခဲ့ကြပါသည်။ ၂ဝ၁၃ ခုနှစ် ဖေဖော်ဝါရီလ အထိ အစည်းအဝေးများကို စွမ်းရည်ရှေ့ဆောင်လူမှုရေးအသင်း (စီဘီအိုင်) တစ်ခုတည်းမှ တာဝန်ယူ စီစဉ်ဆောင်ရွက်ခဲ့ပြီး ယခုအချိန်တွင်  အခြားသော အဖွဲ့အစည်းများ ကပါ ဦးဆောင်ပါဝင်လာပြီး တာဝန်များကို မျှဝေ ထမ်းဆောင်ရန် ဆုံးဖြတ်ချက်ချမှတ်ခဲ့ပါသည်။

ဤမြန်မာ NGO နှစ်ပတ် တစ်ကြိမ် အင်္ဂါနေ့တိုင်းကျင်းပသော အစည်းအဝေးသည် မြန်မာနိုင်ငံရှိ NGO များနှင့် CBO များ အားလုံးအတွက် အကျိုးရှိအသုံးဝင်ပါသည်။ အကြောင်းရင်းမှာ ယင်းအစည်းအဝေးသည် ပြည်တွင်း အဖွဲ့များအကြား လုပ်ငန်းရပ်များ၊ အတွေ့အကြုံများနှင့် သတင်း အချက်အလက် များကို မျှဝေရန်၊ နောက်ဆုံး အခြေအနေများကို သိရှိစေရန်၊ အတူတကွ ပူးပေါင်း ဆောင်ရွက်နိုင်သည့် စီမံကိန်းများနှင့် အစီအစဉ်များ အတွက် အခွင့်အလမ်းများ ရှာဖွေရန် တွေ့ဆုံဆွေးနိုင်သည့် တစ်ခုတည်းသော နေရာ ဖြစ်သောကြောင့် ဖြစ်သည်။ မြန်မာ့ NGO အရေးပေါ် အစီအစဉ် MNGO CP နှင့် ယင်း၏ လုပ်ငန်းအလိုက် အစုအဖွဲ့များ၊ DRR လုပ်ငန်းအဖွဲ့၊ နှင့် MIMU အကြံပေး ဘုတ်အဖွဲ့အတွက် ပြည်တွင်း NGO ကိုယ်စားလှယ်များ ရွေးချယ်ခြင်း၊ အာဆီယံ ပြည်သူ့ဖိုရမ်အတွက် သတင်းအချက်အလက်များအသိပေးမျှဝေခြင်း၊ ပြန်လည်တင်ပြခြင်း စသည့်လုပ်ငန်းများသည် အဆိုပါအစည်းအဝေးမှ ဖြစ်ထွန်းအောင်မြင်ချက်များဖြစ်ပါသည်။

ဤအစည်းအဝေးတွင် အသေးစား၊ အလတ်စား နှင့် အကြီးစား NGO များ၊ CBO များ နှင့် ကိုယ့်အား ကိုယ်ကိုး အဖွဲ့များအပါအဝင် မြန်မာ့ NGO များအားလုံး ပါဝင်သောကြောင့် ၎င်းကို ၂ဝ၁၃ ခုနှစ် ဖေဖေါ်ဝါရီလ ၅ ရက်နေ့ အထိ “အစည်းအဝေး စီမံခန့်ခွဲမှု ကော်မတီ” ဖွဲ့စည်းကာ တာဝန်ယူ စီမံခန့်ခွဲ ဆောင် ရွက်ခဲ့ပါသည်။ လက်ရှိအချိန်တွင် စီမံခန့်ခွဲမှု ကော်မတီ၌် အဖွဲ့အစည်း ၁ဝ ဖွဲ့ပါဝင်ပြီး၊ ၎င်းသည် အစည်း အဝေး နှင့် ပတ်သက်သည့် တာဝန်များကို ခွဲဝေ ဆောင်ရွက်သည့် ပွင့်လင်း မြင်သာမှုရှိသော ကော်မတီတစ်ခုဖြစ်ပါသည်။

စိတ်ပါဝင်စားသူတိုင်း တက်ရောက်နိုင်သော အစည်းအဝေးဖြစ်ပါသည်။ ပြည်တွင်းအဖွဲ့အစည်းများသို့ အသိပေးတင်ပြလိုသော အကြောင်းအရာများရှိပါကလည်း ဆက်သွယ်တင်ပြနိုင်ပါသည်။

အီးလ်မေး - [email protected]  ဖုန်း- ၀၉၇၉၉၆၅၄၁၂၄၊ ၀၉၄၅၀၀၀၃၀၄၂

အစည်းအဝေးကျင်းပသည့်နေရာ - အမှတ် (၂၄-ဘီ)၊ နာနတ်တောလမ်းသွယ် (ဒိုင်းမွန်းကွန်ဒိုအနီး)၊ ၈ ရပ်ကွက်၊ ကမာရွတ်မြို့နယ်၊ ရန်ကုန်။