Metta Aid မှ ပြုစုရေးသားပြီး မျှဝေထားသည့် လူသားချင်းစာနာထောက်ထားမှုဆိုင်ရာ စီမံချက်များအတွက် အဆိုပြုလွှာရေးသားနည်း မြန်မာဘာသာ လမ်းညွှန်စာအုပ်အသစ်ကို မျှဝေ ပေးလိုက်ပါသည်။

NGO များနှင့် လူထုအခြေပြု အဖွဲ့အစည်းများ အတွက် ရည်ရွယ်ပြုစုထားသည့် ဤလမ်းညွှန်စာအုပ်တွင် မြန်မာနိုင်ငံ၏ ရန်ပုံငွေဆိုင်ရာ အခင်းအကျင်း (MHF, ECHO) ကို လေ့လာဆန်းစစ်ခြင်းနှင့် ပဋိပက္ခအပေါ် အကဲဆတ်မှုရှိသော ပြဿနာဖော်ပြချက်များ ရေးသားခြင်းမှစ၍ မြန်မာနိုင်ငံ၏ လက်တွေ့လုပ်ငန်းလည်ပတ်မှု အခြေအနေနှင့် ကိုက်ညီမည့် စီမံချက်လုပ်ငန်းစဉ်ဇယားများ (Logframes)၊ ဘတ်ဂျက်များနှင့် ဘေးအန္တရာယ်မှတ်ပုံတင် ဇယားများ (Risk registers) တည်ဆောက်ခြင်းအထိ အဆိုပြုလွှာရေးဆွဲမှု အဆင့်တစ်ခုချင်းစီကို လမ်းညွှန်ဖော်ပြထားပါသည်။ ထို့ပြင် ကာကွယ်စောင့်ရှောက်ရေးလုပ်ငန်းစဉ်များကို အခြေခံအဖြစ် ထည့်သွင်းကျင့်သုံးခြင်း (Protection mainstreaming)၊ ကန့်သတ်ချက်ရှိသော ပတ်ဝန်းကျင်များ၌ MEAL ဆောင်ရွက်ခြင်းနှင့် အလှူရှင်များနှင့် ချိတ်ဆက်ဆောင်ရွက်ခြင်းတို့ကိုလည်း လက်တွေ့နမူနာများ၊ ပုံစံများ (Templates) နှင့် စီမံချက်အဆိုပြုလွှာ နမူနာရေးဆွဲခြင်း လေ့ကျင့်ခန်းအပြည့်အစုံဖြင့် ထည့်သွင်းဖော်ပြထားပါသည်။

ဤလမ်းညွှန်စာအုပ်ကို MIMU ၏ Call for Proposals စာမျက်နှာတွင် ရယူနိုင်ပြီး လက်ရှိရရှိနိုင်သော ရန်ပုံငွေအခွင့်အလမ်းများကို ရှာဖွေရင်း တစ်ပြိုင်တည်း လေ့လာ နိုင်မည် ဖြစ်ပါသည်။

📥 လမ်းညွှန်စာအုပ်ကို ရယူရန်။
🔎 လက်ရှိဖွင့်လှစ်ထားသော Call for Proposals များကို ကြည့်ရှုရန်။