စက်တင်ဘာလ ၂၆ ရက်နေ့မှစ၍ ရွာသွန်းခဲ့သော မိုးသည်းထန်မှုကြောင့် လောင်းလုံး၊ သရက်ချောင်းနှင့် ထားဝယ်မြို့နယ်များတွင် ပြင်းထန်သော ရေကြီးရေလျှံမှုနှင့် မြေပြိုမှုများ ဖြစ်ပွားခဲ့ပြီး လူအသေအပျောက်များ ရှိကြောင်း သတင်းများ ရရှိထားပါသည်။ MIMU အနေဖြင့် ရေကြီးရေလျှံမှု ထိခိုက်ခံရသည့် ကျေးရွာများ၊ မြေပြိုမှုပါ ထိခိုက်ခံရသည့် ကျေးရွာများနှင့် ထားဝယ်မြို့နှင့် သရက်ချောင်းမြို့ရှိ ထိခိုက်ခံရနိုင်ဖွယ်ရှိသော ရပ်ကွက်များကို လမ်းများ၊ ရထားလမ်းနှင့် ကျန်းမာရေးဌာနများနှင့်အတူ မြေပုံထုတ်ဖော်ထားပါသည်။ ပထမမြေပုံကို စက်တင်ဘာလ ၂၈ ရက်နေ့တွင် ထုတ်ပြန်ခဲ့ပြီး စက်တင်ဘာလ ၃၀ ရက်နေ့တွင် ထုတ်ပြန်သည့် ပြင်ဆင်ထားသော မြေပုံတွင် အသစ်သတင်းရရှိသည့် ကျေးရွာများကို ထပ်မံဖြည့်စွက်ထားပါသည်။

ဤမြေပုံများကို လူမှုကွန်ရက်မီဒီယာမှ ရရှိသော သတင်းများအပေါ် အခြေခံ၍ ပြုစုထားခြင်းဖြစ်ပြီး ကွင်းဆင်းအတည်ပြုခြင်း မပြုလုပ်ရသေးပါ။ မြေပြင်အခြေအနေနှင့် ပတ်သက်သော အကြံပြုချက်များကို [email protected] သို့ ပေးပို့နိုင်ပါသည်။

နောက်ဆုံးထုတ် မြေပုံ (A1) ရယူရန်

ရေကြီးရေလျှံမှုဆိုင်ရာ အရင်းအမြစ်များ အားလုံး